انٹرنیٹ پر ہر دن ہی کوئی نہ کوئی عجیب و غریب تصویر وائرل ہوجاتی ہے جس کا چرچہ ہر طرف نظر آتا ہے۔ حالیہ دنوں میں اسی قسم کی ایک تصویر وائرل ہورہی ہے جسے دیکھ کر ہر شخص ہی حیران نظر آرہا ہے۔
کیا آپ نے کبھی انسانی قد جتنا چمگادڑ دیکھا ہے؟
سماجی رابطے کی ویب سائٹ ٹوئٹر پر ایک صارف نے دیو قامت چمگادڑ کی تصاویر شیئر کیں جن میں وہ الٹا لٹکا ہوا تھا جبکہ یہ انسانوں سے بھی بڑا نظر آرہا ہے۔
صارفین کی جانب سے اسے دنیا کا سب سے بڑا چمگادڑ قرار دیا گیا کیونکہ تصاویر میں بظاہر ایسا محسوس ہورہا تھا کہ جیسے کوئی انسان چمگادڑ جیسا لباس پہن کر الٹا لٹکا ہوا ہے۔
ٹوئٹر پر ایک صارف نے تصاویر شیئر کرتے ہوئے لکھا کہ آپ کو یاد ہے کہ میں نے بتایا تھا کہ فلپائن میں انسانوں کے برابر چمگادڑ موجود ہے۔ میں ان ہی تصاویر کے بارے میں بات کررہا تھا۔
واضح رہے تاحال اس بات کی تصدیق نہیں ہوسکی ہے کہ یہ چمگادڑ اصلی ہے یا کسی شخص نے اُسی طرح کا لباس پہن کر تصاویر بنوائی ہیں۔