سینیٹائزر صرف ہاتھ پر لگانا کافی نہیں، کورونا وائرس سے بچنے کے لئے سینیٹائزر استعمال کرنے کا صحیح طریقہ جانئے

عالمی وبا کورونا وائرس سے بچاؤ کے لئے تمام ہی افراد سینیٹائزرز کا استعمال کر رہے ہیں لیکن عموماً لوگ ہاتھوں پر سینی ٹائزر لگا لینا کافی سمجھتے ہیں۔ تاہم اب ماہرین نے اس طریقے کو غلط قرار دے دیا ہے۔

انڈیا ٹائمز کے مطابق ماہرین کا کہنا ہے کہ ہاتھوں پر سینیٹائزر لگا لینا کورونا وائرس سے بچنے کے لئے کافی نہیں ہے۔ وائرس کے خاتمے کے لئے سینی ٹائزر کو ہاتھوں پر 30سیکنڈز تک رگڑتے رہنا بھی ضروری ہے۔

امریکی محکمہ انسداد امراض کے سائنسدانوں کی طرف سے کی گئی اس تحقیق میں بتایا گیا ہے کہ ہاتھوں پر صرف سینیٹائزر لگا لینے سے وائرس ختم نہیں ہوجاتا۔

چنانچہ جس طرح صابن کے ساتھ ہاتھ دھوتے ہوئے 20 سے 30سیکنڈ تک صابن کو ہاتھوں پر رگڑنا ضروری ہے، اسی طرح سینیٹائزر کو بھی ہاتھوں پر رگڑنا ناگزیر ہے۔ اس تحقیق میں سائنسدانوں نے دو طرح کے سینی ٹائزر استعمال کیے۔ ایک میں 80 فیصد ایتھنول تھی اور دوسرے میں 75فیصد آئسوپروپائل الکوحل۔ 30سیکنڈ تک ہاتھوں پر رگڑنے سے دونوں کے نتائج یکساں اچھے آئے۔