2020 میں سورج گرہن کل یعنی 21 جون کو صبح 9 بجے سے دوپہر ایک بجے کے درمیان پاکستان میں بھر میں دیکھا جا سکے گا۔
محکمہ موسمیات کا کہنا ہے کہ ملک کے بیشتر علاقوں میں دن کے وقت شام کا سماں ہو جائے گا جبکہ اس بار سورج گرہن 26 دسمبر 2019 کے مقابلے زیادہ گہرا ہو گا۔
تفصیلات کے مطابق سورج گرہن شمالی سندھ، جنوبی پنجاب اور بلوچستان کے ساحلی علاقوں میں دیکھا جا سکے گا۔
کراچی میں سورج گرہن کا دورانیہ کل صبح 9 بج کر 29 منٹ سے لے کر دن 12 بج کر 36 منٹ تک ہوگا۔
اسلام آباد میں سورج گرہن 11 بج کر 25 منٹ پر ہوگا جبکہ لاہور میں سورج گرہن کی ابتداء صبح 9 بج کر 8 منٹ پر ہوگی جبکہ 11 بج کر 2 منٹ پر سورج کو سب سے زیادہ گرہن لگے گا، لاہور میں سورج گرہن کا اختتام دوپہر 1 بج کر 10 منٹ پر ہوگا۔