اسٹیٹ بینک آف پاکستان نے عوام کو خوشخبری سناتے ہوئے عید کے فوری بعد یعنی 27 مئی کو بینکوں کی مخصوص برانچز کھولنے کی ہدایت جاری کردی۔
اسٹیٹ بینک آف پاکستان کی جانب سے اعلان کیا گیا ہے کہ عید کی چھٹی کے آخری روز ملک بھر کے نجی بینکوں اور مائیکرو فنانس بینکس کی منتخب کردہ برانچیں کھلی رہیں گی۔
اسٹیٹ بینک آف پاکستان کے ترجمان کی جانب سے جاری اعلامئے کے مطابق 27 مئی بروز بدھ کو ملک بھر میں بینکوں اور مائیکرو فنانس بینکوں کی منتخب شاخیں کھلی رہیں گی۔
اعلامئے میں مزید کہا گیا ہے کہ طویل عید تعطیلات میں عوام کے لئے محدود بینکاری جاری رکھنے کا فیصلہ کیا، تمام بینکس اپنی صوابدید پر منتخب برانچز کھول سکتے ہیں۔
اسٹیٹ بینک نے ہدایت جاری کرتے ہوئے کہا کہ منتخب برانچوں میں کم سے کم ضروری عملے کی حاضری کو یقینی بنایا جائے۔