پنجاب حکومت کی جانب سے صوبے میں پبلک ٹرانسپورٹ، شاپنگ مالز کو کھولنے اور آٹو موبائل انڈسٹری کے پیداواری یونٹس کو بھی کاروباری سرگرمیوں کی اجازت دینے کا فیصلہ کرلیا گیا۔
ذرائع کے مطابق وزیر اعلی پنجاب سردار عثمان بزدار نے صوبے میں لاک ڈاون میں مزید نرمی کرتے ہوئے کاروباری زندگی بحال کرنے کی منظوری دے دی ہے۔
تفصیلات کے مطابق پنجاب کے وزیرِ تجارت میاں اسلم اقبال نے کہا کہ پیر سے شاپنگ مالز اور آٹو موبائل صنعتوں کو کام کرنے کی مکمل اجازت ہوگی۔
شاپنگ مالز کے اوقات کار کا بھی تعین کر دیا گیا ہے، کورونا وائرس کے پیشِ نظر مالز میں ایس او پیز پر سختی سے عمل کیا جائے گا، مالز میں تھرمل گن سے گاہکوں کی چیکنگ ، ہینڈ سینٹیٹائز اور ماسک کے لازمی استعمال یقینی بنایا جائے گا۔