جیسا کہ یہ ہم سب کے علم میں ہے کہ ملک بھر میں لاک ڈاؤن کی صورتحال برقرار ہے ایسے میں جب ہزاروں لوگوں کا روزگار متاثر ہوا ہے وہیں کچھ ایسے راستے بھی ہیں جنہیں اپناتے ہوئے ہم گھر بیٹھے آمدنی حاصل کرسکتے ہیں۔
ان کاموں میں سرِ فہرست فری لانسنگ ہے۔ آپ نے ڈیٹا انٹری کروانی ہو یا اپنی ویب سائٹ کے لیے کسی قسم کا مواد لکھوانا ہو یا سوشل میڈیا اکاؤنٹس کے فالوورز بڑھوانے ہوں آپ کسی کو بھی اس کے لیے ہائیر کر سکتے ہیں۔ وہ گھر بیٹھے آپ کے یہ کام کر دے گا، اس سے آپ کا بھی کام ہو جائے گا اور اس بندے کا بھی فائدہ ہوگا۔
پھر ایک کام آتا ہے پرنٹ آن ڈیمانڈ کا۔ بازار سے ایک سادہ سی ٹی شرٹ لیجیے اور اس پر صارف کی مرضی کی عبارت پرنٹ کر کے اسے بھیج دیں۔ اس کام سے 2 ڈالر کی شرٹ کو 20 ڈالر میں بیچا جاسکتا ہے۔
اس کے علاوہ انٹرنیٹ پر لکھ کر اور کاپی رائٹنگ کر کے بھی گھر بیٹھے باآسانی پیسے کمائے جا سکتے ہیں۔
بلاگنگ اور یوٹیوبنگ کے ذریعے بھی کئی لوگ گھروں میں بیٹھے ماہانہ لاکھوں روپے کما رہے ہیں۔ اگر آپ کے پاس بھی کوئی ہنر دنیا کو دکھانے کے لیے ہے اور آپ اس پر مجمع لگا سکتے ہیں تو یوٹیوب آپ کو اس پر چلنے والے اشتہارات کی مد میں ایک مناسب رقم دیتا ہے۔