گزشتہ روز سوشل میڈیا پر غم سے نڈھال معروف پاکستانی ٹک ٹاک اسٹار اور ریپ گلوکار غنی ٹائیگر نے اپنی ایک ویڈیو اپ لوڈ کی جس میں اُنہوں نے اپنے والد کے قتل اور اپنے چھوٹے بھائی داؤد بٹ پر قاتلانہ حملے کا سارا واقعہ سُناتے ہوئے انصاف کی اپیل کی۔
غنی ٹائیگر نے روتے ہوئے کہا کہ میری آنکھوں کے سامنے میرے بے قصور والد کا قتل کیا گیا۔
ان کا کہنا تھا کہ حملہ آوروں کے پاس اسلحہ تھا اور وہ مجھے، میرے والد اور میرے چھوٹے بھائی کو قتل کرنے کی غرض سے آئے تھے لیکن افسوس کی بات یہ ہے کہ اِس قاتلانہ حملے میں میرے والد اِس دُنیا سے چلے گئے جبکہ میرا چھوٹا بھائی داؤد بٹ ٹانگ پر گولی لگنے کی وجہ سے اسپتال میں ہے اور میں اِس سازشی حملے میں محفوظ رہا۔
غنی ٹائیگر نے مزید کہا کہ حملہ آوروں نے پہلے میرے والد کے سر پر لوہے کی راڈ سے مارا اور پھر میرے والد کے دماغ میں گولی مار دی جس کے نتیجے میں والد موقع پر ہی جاں بحق ہوگئے۔