کراچی میں ہیٹ ویو کی پیشن گوئی۔۔۔ یہ ہفتہ موسم کے حوالے سے کیسا رہے گا؟ جانیں

کراچی میں اپریل کے آغاز سے ہی شدید گرمی پڑ رہی ہے جبکہ اب مئی شروع ہو چکا ہے اور موسم کے حوالے سے شہریوں کے لیے کچھ اچھی خبر نہیں ہے۔

محکمہ موسمیات کی طرف سے بتایا گیا ہے کہ 5 مئی منگل کے روز سے لے کر 8 مئی جمعہ کے روز تک شہریوں کو سخت احتیاط کی ضرورت ہے کیونکہ شہر میں ہیٹ اسٹروک کا خطرہ ہو گا اور درجہ حرارت 40 سے 42 ڈگری سینٹی گریڈ تک رہنے کا امکان ہے۔

شہریوں کو اس وقت بے حد احتیاط کرنا ہوگی، چونکہ لاک ڈاؤن کے سبب لوگ گھروں میں موجود ہیں لیکن اپنے گھر پر رہتے ہوئے بھی تمام احتیاطی تدابیر اپنائیں اور ہیٹ اسٹروک سے محفوظ رہیں۔