ستر سالہ شخص کا جنازہ ہوا تو گھر والوں سے بھی رہا نہ گیا، حفاظتی لباس پہنا اور اپنے پیارے کو دفن کرنے آن پہنچے۔
تفصیلات کے مطابق 70 سالہ مرحوم جن کی شناخت ظاہر نہیں کی گئی اسلام آباد کے رہنے والے تھے جو اپنی بہن سے ملنے بہاولپور گئے تھے۔ دل کا دورہ پڑنے پر انہیں مقامی اسپتال لے جایا گیا جہاں ان میں کورونا کی علامات ظاہر ہوئیں، وہاں سے قرنطینہ والے اسپتال منتقل کر دیا گیا۔
مرحوم کی موت کے بعد اسپتال حکام نے ٹیسٹ کی رپورٹ آنے تک میت کو سرد خانے میں رکھ دیا۔
لواحقین ٹیسٹ کی رپورٹس کا انتظار نہیں کرنا چاہتے تھے اسی لیے انتظامیہ نے حفاظتی تدابیر اپناتے ہوئے تدفین کی اجازت دے دی۔