گزشتہ دِنوں شہرِ قائد میں لاک ڈاؤن کی خبروں کا بازار سرگرم ہو گیا تھا جبکہ میئر کراچی کے ترجمان نے جعلی فون کال کی حقیقت بیان کرتے ہوئے کہا کہ وسیم اختر کی آواز بنا کر کراچی لاک ڈاؤن کرنے کی گفتگو میں کوئی حقیقت نہیں کیونکہ میئر نے ایسی کوئی گفتگو کی اور نہ ہی احکامات جاری کیے۔
تاہم ترجمان بلدیہ عظمیٰ کراچی کا کہنا ہے کہ فون کال جیسی گھناؤنی حرکت سماج دشمن عناصر کی ہے لہٰذا شہری ہوشیار رہیں اور افواہوں پر کان نہ دھریں۔
اس متعلق صوبائی وزیر ناصر حسین شاہ نے لاک ڈاؤن کی تردید کرتے ہوئے ایف آئی اے سے ایسے عناصر کے خلاف سخت کارروائی عمل میں لانے کی درخواست کی تھی۔
جبکہ دوسری جانب وزیر اعلیٰ سندھ سید مراد علی شاہ نے بھی شہر کو لاک ڈاؤن کرنے کی تردید کرتے ہوئے کہا ہے کہ ہم بروقت اقدامات کیے اور کاوشیں کررہے ہیں، فی الحال صورت حال قابو میں ہے، کسی بھی فیصلے سے متعلق عوام کو آگاہ کیا جائے گا۔