چیف آف آرمی اسٹاف جنرل قمر جاوید باجوہ نے کہا ہے کہ اپنی جان مادر وطن پر وار دینے سے بڑی کوئی قربانی نہیں ہوتی۔
ذرائع کے مطابق پاک فوج کے سربراہ جنرل قمر جاوید باجوہ نے شہید ونگ کمانڈر نعمان اکرم کو بھرپور خراج عقیدت پیش کرتے ہوئے کہا کہ اللہ تعالیٰ شہید پائلٹ نعمان اکرم کو جوار رحمت میں اعلیٰ مقام عطا فرمائے۔
آرمی چیف جنرل قمر جاوید باجوہ کا مزید کہنا تھا کہ غمزدہ خاندان کے لیے دعاگو ہوں اور ان کے دکھ میں برابر کا شریک ہوں، میری دعائیں متاثرہ خاندان کے ساتھ ہیں۔
واضح رہے کہ گزشتہ روز یوم پاکستان کی ریہرسل کے سلسلے میں پاک فضائیہ کا لڑاکا طیارہ ایف 16 شکرپڑیاں کے قریب گر کر تباہ ہو گیا اور اس حادثے کے نتیجے میں ونگ کمانڈر نعمان اکرم شہید ہو گئے۔