بالی ووڈ کنگ شاہ رخ خان کے گھر کے ایک کمرے کی قیمت کیا ہے؟ سن کر آپ کے ہوش اڑ جائیں گے

ہماری ویب  |  Jan 24, 2020

بالی ووڈ انڈسٹری کے کنگ شاہ رخ خان نے سوشل میڈیا ویب سائٹ ٹوئٹر پر ہیش ٹیگ ’AskSRK‘ کے سیشن کا آغاز کیا جس میں پوری دنیا سے ان کے چاہنے والے مداحوں نے اس ہیش ٹیگ کا استعمال کرتے ہوئے مختلف سوالات کئے ۔

’AskSRK‘ سیشن کے دوران انہوں نے مداحوں کے سوالات پر دلچسپ جوابات دیئے۔

شاہ رخ خان کا بھارتی شہر ممبئی میں موجود خوبصورت اور عالیشان بنگلہ ہمیشہ سے مداحوں کی توجہ کا مرکز رہا ہے تاہم اس سیشن میں ایک صارف نے ان کے گھر ’منت‘ کے حوالے سے سوال کیا کہ منت میں ایک کمرہ کرائے پر چاہئے، کتنے کا پڑے گا؟

جس کے جواب میں شاہ رخ خان نے بالی ووڈ میں کام کرتے ہوئے اپنے 30 سالہ پیشے کو یاد کر کے لکھا کہ ’30 سال کی محنت میں پڑے گا۔‘

یاد رہے کہ کنگ اسٹار شاہ رخ خان نے اپنے گھر کا نام منت رکھا ہے ، جو ان کے مطابق حقیقت میں ہی ان کی منت ہے، کیونکہ شاہ رخ خان نے اپنے کیریئر کے آغاز میں خود سے وعدہ کیا تھا کہ ایک دن وہ ممبئی میں ایسا گھر تعمیر کریں گے جو بے حد خوبصورت ہوگا۔

شاہ رخ خان نے سنہ 1995 میں اس بنگلے کو 15 کروڑ بھارتی روپے میں خریدا تھا جس کی مالیت آج تقریباً 200 کروڑ بھارتی روپے بتائی جاتی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More