فرانس میں صدر ایمانویل میکرون کی متنازع پنشن اصلاحات کے بعد سے ملک کے بیشتر شہروں میں ٹرانسپورٹرز کی ہڑتال جاری ہے جس کے باعث مسافروں کو آمدورفت کے حوالے سے شدید مشکلات کا سامنا کرنا پڑ رہا ہے۔
اس متعلق پیرس کے ایک اسٹیشن پر کھڑی ٹرین کی ویڈیو سوشل میڈیا پر تیزی سے وائرل ہو رہی ہے جس میں مسافر کھڑکی کے ذریعے اندر جاتا دِکھائی دے رہا ہے۔ ویڈیو میں واضح طور پر دیکھا جا سکتا ہے کہ مسافر شخص ٹرین کی کھڑکی سے سوار ہونے سے قبل اپنی جیکٹ اتار کر ٹرین کے اندر بیٹھے شخص کو دیتا ہے اور کھڑکی سے ہی ٹرین کے اندر داخل ہوجاتا ہے۔
سوشل میڈیا سارفین کی جانب سے مسافر کی اس حرکت پر شدید تنقید کی جا رہی ہے۔