پاکستانی اسٹار ہمایوں سعید نے ایک انٹرویو کے دوران یہ اعتراف کیا کہ مجھے اپنی شادی سے پہلے ایک لڑکی سے بے پناہ محبت ہو گئی تھی، وہ ایک زندہ دل اور خوبصورت لڑکی تھی لیکن ہمارا تعلق زیادہ عرصے تک قائم نہ رہ سکا۔
اداکار نے اس لڑکی کا نام تو نہیں بتایا البتہ اپنے تعلق کے بارے میں واضح کیا کہ اس وقت میں بہت کم گو اور شرمیلا ہوا کرتا تھا، ہم اکثر ساحلِ سمندر کی سیر کو جایا کرتے تھے۔ اس لڑکی نے مجھے میرے خول سے باہر نکالا جس کی وجہ سے میں اِسے اپنا دل دے بیٹھا، لیکن اس نے مجھے دھوکہ دے دیا جس کی وجہ سے ہماری شادی نا ہو سکی۔
اداکار ہمایوں سعید نے انٹرویو کے دوران مزید بتایا کہ میں اپنوں کو کھونے سے بہت ڈرتا ہوں جبکہ ان کی کامیابی کے حوالے سے پوچھے جانے والے سوال کے جواب میں ان کا کہنا تھا کہ بہت سی خواتین نے مجھے کامیاب کروانے میں میرا ساتھ دیا ہے۔ انہوں نے کہا کہ اپنے کیریئر کی ابتدا میں ثانیہ سعید اور نادیہ جمیل جیسی منجھی ہوئی اداکاراؤں کے ساتھ کام کیا جس کی وجہ سے میری اداکاری میں بہتری آئی۔