مودی سرکار کے خلاف ایک اور بھارتی اداکارہ میدان میں آگئیں

بھارت میں جاری ہندو انتہا پسندوں کی جانب سے طلبہ پر تشدد کرنے کے خلاف بھارتی اداکارہ ٹوئنکل کھنہ بھی طلبہ کی حمایت اور مودی سرکار کے اندھے قانون کے خلاف بول پڑیں۔

اداکارہ نے سماجی ادارے کی ویب سائٹ ٹوئٹر پر ایک اخبار کی تصویر شئیر کی، جس کی سرخی میں طلبہ پر تشدد کی صورتحال کے حوالے سے لکھا تھا کہ گزرے ہوئے کل میں علی گڑھ مسلم یونورسٹی کو نشانہ بنایا تھا، آج جے این یو(جواہر لعل نہرو یونیورسٹی) کو نشانہ بنایا گیا ہے جبکہ آنے والے کل میں ان کا نشانہ آپ لوگ بنیں گے۔

اداکارہ نے ساتھ ہی اپنا مؤقف دیتے ہوئے لکھا کہ بھارت ایک ایسا ملک ہے جہاں طالبعلموں سے زیادہ گائے کو تحفظ دیا جاتا ہے۔ یہاں گائے ذبح کرنے پر پابندی ہے لیکن طلبہ پر تشدد کرنے کی اجازت ہے۔ اداکارہ نے بھارتی وزیراعظم مودی اور ان کی سرکار کو بھی تنقید کا نشانہ بنایا اور لکھا کہ آپ احتجاج کرنے والے طلبہ مظاہرین کو تشدد کے ذریعے نہیں روک سکتے کیوں کہ اگر ایسا ہوا تو اس سے مزید لوگ سڑکوں پر آئیں گے، احتجاج ہوں گے اور ہڑتالیں کی جائیں گی۔ اخبار کی یہ سرخی اس بات کی وضاحت کرتی ہے۔

India,where cows seem to receive more protection than students, is also a country that now refuses to be cowed down. You can’t oppress people with violence-there will be more protests,more strikes,more people on the street. This headline says it all. pic.twitter.com/yIiTYUjxKR

— Twinkle Khanna (@mrsfunnybones) January 6, 2020