فیروز اور احد آمنے سامنے پھر کیا ہوا؟ سوشل میڈیا میں نئی بحث چھڑ گئی

یہ کوئی نئی بات نہیں جب اداکاروں کے مداح ان سے متعلق کسی بھی معمولی بات کو بڑا بنالیتے ہیں اور پھر سوشل میڈیا پر چہ مگوئیاں شروع کردی جاتی ہیں۔

اسی طرح کا ایک معاملہ گزشتہ ماہ ہونے والے اداکار یاسر حسین اور اقرا عزیز کی شادی کے دوران لی جانے والی ایک تصویر کے بعد پیش آیا جس میں اداکارہ سجل علی کے منگیتر احد رضا میر اور فیروز خان دونوں آمنے سامنے کھڑے کسی گفتگو میں مصروف ہیں جبکہ لی جانے والی تصویر میں اداکار و گلوکار عاصم اظہر بھی موجود ہیں۔

تصویر کے آتے ہی سوشل میڈیا صارفین کو بحث کے لئیے نیا موضوع مل گیا کیونکہ ماضی میں اداکارہ سجل علی اور فیروز خان کی شادی کی خبریں گردش کرتی رہی ہیں۔

احد رضا میر اور فیروز خان کی تصویر پر چند صارفین نے دلچسپ تبصرے بھی کئیے جبکہ کچھ نے تو تصویر میں موجود عاصم اظہر کو بھی نہیں چھوڑا۔

یاد رہے کہ اداکارہ سجل علی اور فیروز خان کی آپس میں شادی کرنے سے متعلق خبریں آئیں تھیں لیکن بعدازاں ان کا رشتہ ختم ہو گیا تاہم فیروز خان کی شادی علیزہ فیروز خان سے ہوگئی اور دونوں کا ایک بیٹا بھی ہے جبکہ اداکار احد رضا اور سجل علی بھی جلد شادی کرنے والے ہیں۔