حال ہی میں ایک انٹرویو کے دوران عروہ حسین نے انکشاف کیا کہ ’میرے پاس تم ہو‘ میں ہانیہ نامی ٹیچر کا جو کردار حرا مانی ادا کر رہی ہیں دراصل وہ کردار میں نبھا رہی تھی۔ انہوں نے بتایا کہ اس ڈرامے کی اقساط بھی ریکارڈ ہو چکی تھیں لیکن اسی دوران ان کی فلم’’ٹچ بٹن‘‘ جوکہ انکی اپنی ذاتی پروڈکشن میں بن رہی ہے اس کی شوٹ کے لئے انہیں پنجاب کے شہر ننکانہ صاحب جانا پڑا۔
عروہ حسین نے انٹرویو میں مزید بتایا کہ پنجاب کے شہر ننکانہ صاحب میں فلم کی شوٹنگ کا بڑا سیٹ لگنے کے سبب میری اتنی مصروفیات بڑھ گئ ہیں کہ مجھے وہاں سے نکلنے کا موقع نہیں مل سکا اور یہ بد قسمتی ہی تھی کہ میں نے اس وقت ڈرامے کے ہدایت کار ندیم بیگ سے مزید کام جاری رکھنے پر معذرت کر لی جس پر وہ مجھ سے ناراض بھی ہوئے۔
عروہ حسین نے بتایا کہ میں فلم ’’ٹچ بٹن‘‘ کی شوٹنگ مکمل کرکے واپس آئی تو باقائدہ طور پر اُن کے پاس جا کر معافی بھی مانگی کیوں کہ وہ وقت میرے لے مشکل ترین وقت تھا۔یاد رہے کہ ندیم بیگ کی ہدایت کاری میں بننے والا سیریل’ میر پاس تم ہو‘ جس میں ہمایوں سعید اور عائزہ خان کی بہترین اداکاری کی وجہ سے ڈرامہ ہٹ ثابت ہوا۔ جس میں بزنس مین شہوار کا کردارعدنان صدیقی جب کہ ٹیچر ہانیہ کا کردار حرا مانی نبھا رہی ہیں۔