برطانوی ڈاکٹر کا حیران کردینے والا انکشاف بیماری میں آرام کرنے کا نقصان بتا دیا

کیا آپ جانتے ہیں کہ آپ سردیوں کے موسم میں بخار یا سینے کے انفیکشن میں مبتلا کیوں ہوجاتے ہیں ۔ کیونکہ سردیوں کے موسم میں ہر دوسرا شخص نزلہ زکام کا شکار رہتا ہے اور یہ نزلہ اور زکام بڑھ کر خطرناک صورت اختیار کرلیتا ہے ۔جسکی وجہ سے آپ بخار یا سینے کے انفیکشن میں مبتلا ہوجاتے ہیں ۔
ہوسکتا ہے آپ کو لگتا ہو کہ ایسی حالت میں آرام کرنا زیادہ مناسب ہے اور دفتر سے ایک دو دن کی چھٹی لے کر اسے بستر میں گزارنا چاہیئے۔ لیکن ماہرین کا کہنا ہے کہ اگر آپ ایسا سوچتے ہیں تو آپ اپنی زندگی سے کھیل رہے ہیں۔

برطانیہ سے تعلق رکھنے والے ایک ڈاکٹر کا کہنا ہے کہ اگر آپ نزلہ زکام یا سردی لگنے کی صورت میں آرام کرنا پسند کرتے ہیں تو آپ اپنی بیماری کو شدید بنا رہے ہیں۔

ان کا کہنا ہے کہ ایسی حالت میں آپ کو سارا دن بستر میں گزارنے کے بجائے ہلکی پھلکی ورزش یا چہل قدمی کرنی چاہیئے۔
کیونکہ نزلے کی حالت میں آرام کرنا آپ کے گلے میں موجود بلغم کو سخت کردیتا ہے جس کے بعد یہ سینے میں جم جاتا ہے اور یہ چیسٹ انفیکشن اور نمونیا کا باعث بھی بنتا ہے

ڈاکٹر ایرک کہتے ہیں کہ ’ضروری نہیں کہ آپ جم جائیں اور بھاری بھرکم وزش کریں۔ اس کے لیے اپنے روزمرہ کے کام انجام دینا جس میں آپ کا جسم حرکت میں آئے، یا صرف چہل قدمی کرنا بھی کافی ہوگا‘۔
اگر آپ بھی نزلے کا شکار ہیں تو آرام کرنے کا خیال دل سے نکال دیں اور اپنے روزمرہ کے معمولات جاری رکھیں۔