سجاد علی نے منفرد انداز میں اپنی سالگرہ مداحوں کے ساتھ منائی

کراچی:نامور پاکستانی گلوکار سجاد علی نے اپنی 51 ویں سالگرہ منفرد انداز میں اپنے مداحوں کے ساتھ منائی ۔ انہوں نے سماجی رابطے کی ویب سائٹ ٹوئٹر کے ذریعے لائیو سیشن رکھا۔
سجاد علی بہتمنجھے ہوئے گلوکار مانے جا تے ہیں اور وہ اپنی گائکی کے باعث کروڑوں دلوں کی دھڑکن ہیں۔ لائیو سیشن کے دوران انہوں نا صرف کافی دیراپنے مداحوں سے بات کی،بلکہ ان کے سوالات کے جواب دیےاور سالگرہ کی مبارکباد دینے پر شکریہ بھی ادا کیا۔
تاہم لائیو سیشن کے دوران گلوکار نے مداحوں کو گٹار بجاکر ایک گانا ’تم سے‘ بھی سنایا-

Sajjad Ali celebrates his birthday LIVE.: https://t.co/qIJysSinV4 via @YouTube

— Sajjad Ali Official (@sajjad_official) August 24, 2017

اور انہوں نےاپنے چاہنے والوں کے لیے بڑا اعلان بھی کیا کہ وہ اپنی ویڈیوز کے ذریعے مداحوں کو میوزک، شاعری اور گانوں کی کمپوزیشن سکھانے کا ارادہ رکھتے ہیں۔
اس موقعے پر ان کے مداحوں نے ان کی گائکی کو بہت سراہا اور مستقبل کے لیے نیک تمناؤں کا اظہار بھی کیا۔