نگراں حکومت نے رات گئے ایک بار پھر عوام پر پیٹرول بم گرا دیا٬ اس بار پیٹرولیم مصنوعات کی قیمتوں پہلے سے بھی زیادہ روپے کا اضافہ کیا گیا ہے-
حکومت کی جانب سے پیٹرول اور ڈیزل کی قیمتوں میں بڑے اضافے کا نوٹیفکیشن بھی جاری کردیا گیا ہے۔
وزارت خزانہ کے نوٹیفکیشن کے مطابق پیٹرول کی قیمت میں 26 روپے 2 پیسے فی لیٹر کا اضافہ کردیا گیا، جس کے بعد پیٹرول کی نئی قیمت 331 روپے 38 پیسے فی لیٹر ہوگئی۔
نوٹیفکیشن کے مطابق ہائی اسپیڈ ڈیزل کی قیمت میں 17روپے فی لیٹر اضافہ کیا گیا ہے، یوں ڈیزل کی نئی قیمت 329 روپے 18پیسے فی لیٹر ہوگئی۔
وزارت خزانہ نے پیٹرولیم مصنوعات کی قیمتوں میں اضافے کا نوٹیفکیشن جاری کردیا، جس کے مطابق نئی قیمتوں کا اطلاق 16ستمبر سے کردیا گیا۔