داعش کا قیام عالمی ایجنڈے کا حصہ ہے۔مہتاب عباسی

داعش ایک انتہا پسند گروہ ہے جو بے گناہ انسانوں کے قتل عام اور عالمی امن کو سبو تاژ کرنے میں ملوث ہے۔شدت پسند عناصر اسلام کا چہرہ مسخ کر رہے ہیں۔اسلام امن و سلامتی کا دین ہے۔انتہا پسندی اسلام کے منافی ہے۔انجمن طلباء اسلام پاکستان میں داعش کی حمایت کرنے والوں کو قومی مجرم گردانتی ہے۔ہم اسلام کے خلاف عالمی استعماری ایجنڈے کو مسترد کرتے ہیں۔انجمن طلباء اسلام اسلام کے صحیح تشخص کو اجاگر کرنے کے لیئے کوشاں ہے۔ہم اسلام کے پیام محبت کو عام کر کے انتہا پسند گروہوں کے مذموم عزائم کو ناکام بنائیں گے۔ان خیالات کا اظہار انجمن طلباء اسلام کے راہنماؤں مہتاب عباسی اور رمیض راجہ نے صحافیوں سے گفتگو کرتے ہوئے کیا۔