Getty Imagesپولیس نے ملزمان کی تلاش شروع کر دی ہے
انڈین ریاست کرناٹک میں ملک کے مرکزی بینک کے افسران کے بھیس میں مسلح افراد نے ایک جگہ سے دوسری جگہ پیسے منتقل کرنے والی گاڑی سے سات کروڑ روپے ہتھیا لیے ہیں۔
انڈین پولیس نے تصدیق کی ہے کہ بنگلور میں دن دیہاڑے پیسوں کی وین کو لوٹنے والے ڈاکوؤں کو ڈھونڈے کے لیے ایک بڑا آپریشن شروع کر دیا گیا ہے۔
بنگلور کے پولیس کمشنر سیمنت کمار سنگھ نے بی بی سی کو بتایا کہ یہ ڈکیتی کی واردات بدھ کی دوپہر کو ہوئی جب ایک ایس یو وی گاڑی میں سوار چھ افراد نے ایک مصروف شاہراہ پر بینکوں کے درمیان پیسے منتقل کرنے والی ایک وین کو روکا۔
پیسوں والی وین میں ایک ڈرائیور، ایک کیشیئر اور دو مسلح سکیورٹی گارڈ سوار تھے۔
پولیس کمشنر کا کہنا ہے کہ ڈاکوؤں نے وین میں سوار لوگوں کو بتایا کہ وہ ریزور بینک آف انڈیا کے افسران ہیں اور تصدیق کرنا چاہتے ہیں کہ اتنی بڑی رقم کی منتقلی کے لیے ان کے پاس درست دستاویزات ہیں یا نہیں۔
Getty Imagesایک پولیس افسر نے بی بی سی کو بتایا کہ اس ڈکیتی کی واردات میں جو ایس یو وی استعمال ہوئی ہے اس پر جعلی نمبر پلیٹ لگی ہوئی تھی
پولیس کے مطابق اس گروہ نے کیشیئر اور گارڈز کو وین میں ہتھیار رکھ کر اپنی ایس یو وی میں سوار ہونے کو کہا، جبکہ ڈرائیور کو ہدایت دی گئی کہ وہ کیش کے ساتھ گاڑی چلاتے رہیں۔
کچھ کلومیٹر تک ایس یو وی کیش وین کے پیچھے آتی رہی لیکن بعد میں اس گروہ کے اراکین نے ڈرائیور کو نیچے اُتارا اور کیشیئر اور سکیورٹی گارڈز کو بھی ایس یو سی سے اُترنے کو کہا اور بندوق کی نوک پر پیسے اپنی گاڑی میں رکھ کر فرار ہو گئے۔
جس مقام پر یہ واردات ہوئی وہاں سی سی ٹی وی کیمرے زیادہ نہیں تھے۔ پولیس تفتیش کر رہی کہ کہیں گروہ کے اراکین ایک سے زیادہ گاڑیاں تو نہیں استعمال کر رہے تھے۔
کیش کی ٹرانسپورٹ پر مامور کمپنی نے پولیس کے پاس اس واقعے کی شکایت درج کروا دی ہے۔
دبئی ایئر شو میں انڈین لڑاکا طیارے کی تباہی: ’550 کروڑ کے تیجس‘ کی خصوصیات کیا ہیں؟’ایک عورت تمام سکھ خواتین کی نمائندگی نہیں کرتی‘: انڈین خاتون سربجیت کور کی شادی اور غیر شادی شدہ خواتین کو پاکستان نہ بھیجنے کا فیصلہمئی کی لڑائی میں ’پاکستان کی کامیابی‘ کا دعویٰ اور چین پر الزام: امریکی کمیشن کی رپورٹ جس کا چرچا انڈیا میں بھی ہو رہا ہےجیولن اور ایکس کیلیبر: امریکہ نے انڈیا کو کون سے جدید جنگی ہتھیار فراہم کرنے کا اعلان کیا ہے؟
ایک پولیس افسر نے نام نہ ظاہر کرنے کی شرط پر بی بی سی کو بتایا کہ اس ڈکیتی کی واردات میں جو ایس یو وی استعمال ہوئی ہے اس پر جعلی نمبر پلیٹ لگی ہوئی تھی اور ایک سٹیکر پر ’گورنمنٹ آف انڈیا‘ لکھا ہوا تھا۔
پولیس افسر نے بتایا کہ وہ تحقیقات کر رہے ہیں کہ کہیں کیش کی منتقلی پر مامور کمپنی کے کسی ملازم کا اس ڈکیتی میں کوئی ہاتھ تو نہیں۔
کرناٹک کے وزیرِ اعلیٰ نے صحافیوں کو بتایا کہ پولیس نے ڈکیتی کی واردات میں استعمال ہونے والی گاڑی برآمد کرلی ہے۔ دوسری جانب ریاست کے وزیرِ داخلہ کا کہنا ہے کہ ابھی تک یہ واضح نہیں ہے کہ یہ گاڑی ڈکیتی میں استعمال ہوئی تھی یا نہیں۔
انھوں نے صحافیوں کو بتایا کہ ’اس بات کی تصدیق ہو چکی ہے کہ مسلح افراد نے گاڑیاں تبدیل کیں اور پیسے منتقل کیے۔‘
Getty Imagesوزیرِ داخلہ کا کہنا تھا کہ انھیں یقین ہے کہ پولیس جلد ہی کیس حل کر لے گی
وزیرِ داخلہ کا کہنا تھا کہ انھیں یقین ہے کہ پولیس جلد ہی کیس حل کر لے گی، بالکل ویسے ہی جیسے کرناٹک میں دیگر ہائی پروفائل کیس حل ہوئے ہیں۔
رواں برس مئی میں وجیپورہ کے ایک بینک کے لاکر سے ڈوپلیکیٹ چابی کا استعمال کر کے 59 کلو سونا چوری کرلیا گیا تھا۔ پولیس نے اب تک 39 کلو سونا اور کچھ کیش برآمد کر لیا ہے جبکہ بینک کے دو سابق ملازمین سمیت 15 افراد کو بھی گرفتار کیا ہے۔
مئی کی لڑائی میں ’پاکستان کی کامیابی‘ کا دعویٰ اور چین پر الزام: امریکی کمیشن کی رپورٹ جس کا چرچا انڈیا میں بھی ہو رہا ہےایران نے انڈین شہریوں کی ملک میں ویزا فری انٹری کیوں بند کی؟دہلی دھماکے میں ملوث ’مبینہ خودکش بمبار‘ کی شناخت ظاہر کردی گئی، کشمیر میں خاندانی گھر مسمارشادی کے دن ’دلہن‘ کا قتل، خون آلود پائپ اور ہتھیلی پر لکھا ہوا مبینہ قاتل ’ساجن‘ کا نام100 روپے رشوت لینے کا ملزم 39 سال بعد باعزت بری، ’انصاف ملا مگر بیوی چلی گئی، سب کچھ کھو دیا‘