ڈیرہ اسماعیل خان پولیس ٹریننگ سینٹر پر حملہ، چھ عسکریت پسند ہلاک

پاکستان کے صوبہ خیبر پختونخوا کے ضلع ڈیرہ اسماعیل خان میں پولیس ٹریننگ سینٹر پر حملے میں کم از کم چھ عسکریت پسند ہلاک ہو گئے ہیں۔

خیبر پختونخوا پولیس نے اتوار کی صبح ایکس پر اپنے بیان میں کہا ہے کہ اس حملے میں تین پولیس اہلکار جان سے گئے ہیں۔

پولیس کے مطابق ’ڈی پی او ڈیرہ کی قیادت میں پولیس نے بہادری سے آپریشن نے کیا ہے اور آئی جی پولیس نے آر پی او اور ڈی پی او کی کارکردگی کو سراہا ہے۔‘