امریکی قونصل جنرل چارلس گُڈمَن نے سندھ انسٹیٹیوٹ آف ایڈوانسڈ گیسٹرواینٹیرولوجی میں موٹاپے سے نمٹنے کے جدید طریقہ علاج اینڈوسکوپک سلیو گیسٹروپلاسٹی کا افتتاح کیا۔
یہ جدید علاج پاکستان کے صحت کے شعبے میں ایک اہم پیش رفت ہے جو موٹاپے اور اس سے جُڑی بیماریوں جیسے ذیابیطس اور دل کے امراض سے نمٹنے میں مریضوں کو نئی امید دے گا۔
تقریب سے خطاب کرتے ہوئے قونصل جنرل چارلس گُڈمَن نے کہا کہ بوسٹن سائنٹیفک اور سیگ کا اشتراک امریکہ اور پاکستان کی مضبوط شراکت داری کا ثبوت ہے جو عوام کو زندگی بدلنے والے علاج تک رسائی فراہم کر رہا ہے۔
ان کا کہنا تھا کہ امریکہ اور پاکستان کی مشترکہ کوششیں صحت، سلامتی اور خوشحالی کے لیے نہ صرف اہم ہیں بلکہ طبی جدت اور بہتر علاج کی سہولت تک عام آدمی کی رسائی کو یقینی بنانے میں اہم کردار ادا کرتا ہے۔