سعودی عرب کی ایران پراسرائیلی حملے کی مذمت

سعودی عرب کی ایران پر اسرائیلی حملے کی مذمت، سعودی وزارت خارجہ کی جانب سے کہا گیا ہے کہ اسرائیل کےبہیمانہ حملے نہ صرف ایران کی خود مختاری اور سلامتی کے خلاف ہیں بلکہ یہ اسرائیلی حملہ بین الاقوامی جنگی قوانین کی خلاف ورزی ہے .

یہ گھناؤنے حملے ناقابلِ قبول ہیں اور اقوامِ متحدہ کی سلامتی کونسل اور عالمی برادری کی ذمہ داری ہے کہ وہ اس جارحیت کو فوری طور پر روکنے کے لیے مؤثر اقدامات کریں۔ سعودی عرب نے زور دیا کہ ایران سعودی عرب کا برادر اسلامی ملک ہے اور اس کے خلاف کی گئی یہ واضح جارحیت خطے کے امن کے لیے خطرہ ہے۔