پی ایس ایل جیتنا ہی ٹارگٹ ہے، فخر زمان

سچ ٹی وی  |  Apr 04, 2025

لاہور قلندرز کے بیٹر فخر زمان کا کہنا ہے کہ بحثیت ٹیم ہمارا ٹارگٹ یہی ہے کہ اس بار پی ایس ایل جیتنا ہے۔

لاہور میں گفتگو کرتے ہوئے فخر زمان نے کہا کہ صحتیاب ہونے کے بعد پہلا دن اچھا اور ٹف رہا، عجیب سا لگ رہا تھا ڈیڑھ ماہ کے بعد میں نے بیٹنگ کی، مجھے ایسے لگ رہا تھا کہ جیسے میں بغیر پیڈز کے بیٹنگ کر رہا ہوں۔ انہوں نے کہا ابھی پی ایس ایل کے پہلے میچ میں وقت ہے، جب میں آخر میں بیٹنگ کر رہا تھا تو بیٹ پر گیند آرہا تھا، مجھے امید ہے کہ اگلے تین چار روز میں مکمل ردہم میں آجاؤں گا۔

پی ایس ایل 10 کے حوالے گفتگو کرتے ہوئے فخر زمان نے کہا کہ میرا انفرادی گول ہمیشہ ایک ہی رہتا ہے کہ میں نے بہترین بیٹر بننا ہے اور اپنی ٹیم کو فائنل جتوانا ہے، میری اس مرتبہ بھی یہی کوشش ہو گی کہ ٹیم کو میچز جتواؤں اور فائنل میں پہنچاؤں۔ انہوں نےکہا کہ پی ایس ایل میں بولنگ اور بیٹنگ کا معیار بہت شاندار ہے، مقابلہ ٹف رہتا ہے۔

میں نوجوان کھلاڑیوں کے ساتھ اپنا تجربہ شئیر کرتا ہوں، میں دوسری فرنچائزز کے نوجوانوں کو بھی بتاتا ہوں۔ فخر زمان کا کہنا تھا ہمارا بحثیت ٹیم ٹارگٹ یہی ہے کہ پی ایس ایل جیتنا ہے، ہم ہر میچ کو فائنل سمجھ کر کھیلتے ہیں، ہمارا فوکس ہر میچ پر ہو گا اور ہمیں ہر میچ میں اچھا کھیلنا ہے، کوشش ہو گی تمام کھلاڑی اچھا کھیلیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More