پاکستان تحریک انصاف نے بانی پی ٹی آئی عمران خان سے ملاقات کی اجازت کے بغیرآج قومی سلامتی کمیٹی کے اجلاس میں شرکت نہ کرنے کا فیصلہ کیا ہے،علی آمین گنڈا پور بطور وزیراعلی خیبر پختونخوا شرکت کرینگے۔
رات گئے پی ٹی آئی سیاسی کمیٹی کے اجلاس کا اعلامیہ جاری کیا گیا ہے جس میں قومی سلامتی کمیٹی اجلاس سے قبل بانی پی ٹی آئی عمران خان سے ملاقات کرانے کا مطالبہ کیا گیا۔
دہشتگردی، قومی سلامتی کی پارلیمانی کمیٹی کا اہم اجلاس آج ہوگا
تحریک انصاف کی جانب سے کہا گیا ہے کہ عمران خان سے ملاقات نہ کرائی تو قومی سلامتی کمیٹی اجلاس میں شریک نہیں ہوں گے۔
سیکرٹری اطلاعات پی ٹی آئی شیخ وقاص اکرم نے بتایا کہ پی ٹی آئی کی سیاسی کمیٹی کا ہنگامی اجلاس ہوا جس میں قومی سلامتی کمیٹی اجلاس میں شرکت پربات چیت کی گئی۔
ذرائع کے مطابق پی ٹی آئی کورکمیٹی کے بیشتر ممبران نے قومی سلامتی کمیٹی اجلاس کیلئے پارٹی کی جانب سے بھیجے گئے ناموں پر بھی اعتراض کیا، عامرڈوگرکو کورکمیٹی کی مشاورت کے بغیرنام نہیں دینے چاہیے تھے۔