نکات
رنگوں کا تہوار ہولی محبت، امن اور بھائی چارے کی علامت : مریم نواز
خواجہ آصف کا دہشت گردوں کو بسانے کا بیان گمراہ کن: بیرسٹر سیف
جعفر ایکسپریس واقعے کے بعد تیز کارروائی پر فوج کو سلام: بلاول بھٹو
جعفر ایکسپریس واقعے پر ڈی جی آئی ایس پی آر کی پریس کانفرنس آج
جعفر ایکسپریس کے واقعے پر بلوچستان کے وزیراعلیٰ سرفراز بگٹی اور پاکستان فوج کے شعبہ تعلقات عامہ (آئی ایس پی آر) کے ڈائریکٹر لیفٹننٹ جنرل احمد شریف آج پریس کانفرنس کریں گے۔
پریس کانفرنس آج سہ پہر ساڑھے تین بجے ہو گی جس میں جعفر ایکسپریس پر حملے اور اس کے سکیورٹی فورسز کے آپریشن پر بریفنگ دی جائے گی۔
جعفر ایکسپریس واقعے کے بعد تیز کارروائی پر فوج کو سلام پیش کرتے ہیں: بلاول بھٹو
پاکستان پیپلز پارٹی کے چیئرمین بلاول بھٹو زرداری نے کہا ہے کہ میرا خیال تھا کہ جعفر ایکسپریس پر حملے کو کلیئر کرنے میں وقت لگے گا لیکن جس چابک دستی کے مسلح افواج حملہ آوروں کا خاتمہ کیا۔ وہ قابلِ تعریف ہیں۔ ہم پاک فوج کو سلام پیش کرتے ہیں۔‘
بلاول بھٹو زرداری نے جمعرات کو کراچی میں ایک تقریب سے خطاب میں کہا کہ ’بلوچستان میں ہونے والے واقعے کی مذمت کرتے ہیں۔ ہم سب مل کر دہشت گردی کے خلاف اس جنگ میں کامیاب ہوں گے۔‘رنگوں کا خوبصورت تہوار ہولی محبت، امن اور بھائی چارے کی علامت ہے: مریم نوازپاکستان کے صوبہ پنجاب کی وزیرِاعلیٰ مریم نواز شریف نے کہا ہے کہ رنگوں کا یہ خوبصورت تہوار ہولی محبت، امن اور بھائی چارے کی علامت ہے۔وزیراعلیٰ مریم نواز نے جمعے کو ہولی کے تہوار پر خصوصی پیغام میں کہا کہ ’پاکستان مختلف مذاہب کی برادریوں کا حسین امتزاج ہے، سب کو یکساں حقوق و مواقع میسر ہیں۔‘انہوں نے کہا کہ ’پنجاب صوفیاء، محبت اور رواداری کی دھرتی ہے، ہر مذہب، ہر برادری کو مکمل احترام حاصل ہے۔‘’ایسا پنجاب بنا رہے ہیں جہاں ہر شہری خود کو محفوظ، بااختیار اور برابر کا پاکستانی محسوس کرے۔ حکومت پنجاب اقلیتوں کے تحفظ اور فلاح و بہبود کے لیے عملی اقدامات کر رہی ہے۔‘مریم نواز کا کہنا تھا کہ ’مینارٹی کارڈ‘ کے زریعے نادار اقلیتی بہن بھائیوں کی ہینڈ ہولڈنگ کی جارہی ہے۔‘خواجہ آصف کا خیبر پختونخوا میں دہشت گردوں کو بسانے کا بیان گمراہ کن ہے: بیرسٹر سیف صوبہ خیبر پختونخوا کی حکومت کے ترجمان بیرسٹر سیف نے وزیر دفاع خواجہ آصف کے بیان پر ردعمل دیتے ہوئے کہا ہے کہ ’وزیرِدفاع خواجہ آصف کا خیبر پختونخوا میں دہشت گردوں کو بسانے کا بیان گمراہ کن اور بے بنیاد ہے۔‘انہوں نے کہا کہ ’ایسے الزامات لگانے کا مقصد وفاقی حکومت کی دہشت گردی کے خلاف ناکامی کو چھپانے کی ایک ناکام کوشش ہے۔ خواجہ آصف کسی ایک دہشت گرد کی نشاندہی کریں جو خیبر پختونخوا میں بسایا گیا ہو۔‘خواجہ آصف نے جمعرات کو قومی اسمبلی میں اپنے خطاب میں سابق وزیراعظم عمران خان کی حکومت پر الزام عائد کیا کہ انہوں نے دہشت گردوں کو دوبارہ خیبرپختوںخوا میں بسانے میں کردار ادا کیا تھابیرسٹر سیف نے مزید کہ ’خواجہ آصف نے مارشل لا کا ساتھ دینے پر معذرت کی، بہتر ہو گا کہ وہ فارم 47 پر ایم این اے بننے پر ریحانہ ڈار سے بھی معافی مانگیں۔‘’وزیر دفاع ہونے کے ناتے خواجہ آصف کو بلوچستان واقعے کی ذمہ داری قبول کرتے ہوئے استعفیٰ دینا چاہیے‘ایچ بی ایل پی ایس ایل 10 ٹرافی ٹور کا اعلان، حیدرآباد سے آغازپاکستان کرکٹ بورڈ (پی سی بی) نےاعلان کیا ہے کہ ایچ بی ایل پی ایس ایل کی تاریخ میں پہلی مرتبہ ٹرافی کا دورہ حیدرآباد اور کراچی سے شروع ہو گا جس میں ’لومینارا ٹرافی‘ 29 مارچ تک پاکستان بھر کے 11 شہروں کا سفر کرے گی۔واضح رہے کہ ایچ بی ایل پی ایس ایل کا 10واں ایڈیشن 11 اپریل سے 18 مئی تک چار شہروں کراچی، لاہور، ملتان اور راولپنڈی میں کھیلا جائے گا۔ٹرافی ٹور کے پہلے مرحلے میں مومینارہ ٹرافی حیدرآباد اور کراچی کے مختلف مقامات پر 15 مارچ تک دکھائی جائے گی۔لیومینارا ٹرافی کے پہلے مرحلے کے دورے کا شیڈول: 14 مارچ – حیدرآباد ، 14-15 مارچ - کراچی ، 16-17 مارچ - لاہور ، 18 مارچ - ملتان ، 19 مارچ - بہاولپور ، 20 مارچ - فیصل آباد ، 22 مارچ - پشاور
دارالعلوم حقانیہ اور بنوں کے خودکش حملہ آوروں کی شناخت ہو گئی : آئی جی پولیسپاکستان کے صوبہ خیبرپختونخوا کی پولیس کے آئی جی ذوالفقار حمید نے کہا ہے کہ دارالعلوم حقانیہ اور بنوں کے خودکش حملہ آوروں کی شناخت ہو گئی ہے۔آئی جی ذوالفقار حمید نے مقامی میڈیا سے گفتگو کرتے ہوئے کہا کہ ’نوشہرہ میں دارالعلوم حقانیہ اور بنوں دھماکوں کی تحقیقات جاری ہیں، دونوں دھماکوں کی سی سی ٹی وی ویڈیوز حاصل کر لی ہیں جب کہ خودکش حملہ آوروں کی اعضاء سے شناخت کر لی گئی ہے۔‘انہوں نے بتایا کہ ’بنوں واقعے میں استعمال ہونے والی گاڑیوں کی ٹریکنگ بھی کر لی ہے۔ واقعے میں غیرملکی اسلحہ بھی استعمال کیا گیا ہے، اسلحے کی ٹریکنگ کر رہے ہیں کہ کس ملک سے اور کیسے آیا؟‘