اردو نیوز | Mar 13, 2025
بلوچستان کے ضلع کچھی میں نامعلوم عسکریت پسندوں نے ایک زیرِتعمیر ڈیم پر حملہ کرکے سات مزدوروں کو اغوا کر لیا۔حکام کے مطابق یہ واقعہ بدھ اور جمعرات کی درمیانی شب کچھی کے علاقے سنی شوران سے تقریباً چار کلومیٹر دُور مغرب کی جانب ایک پہاڑی علاقے میں پیش آیا۔
علاقے کے لیویز انچارج رسالدار عبدالحئی نے اردو نیوز کو بتایا کہ ’اغوا ہونے والے مزدور ایک زیرِتعمیر ڈیم پر کام کر رہے تھے۔‘’رات کو نامعلوم مسلح افراد نے تعمیراتی کیمپ پر حملہ کر دیا اور وہاں موجود ایک ڈمپر کو بھی آگ لگا دی جبکہ دیگر دو گاڑیوں کو نقصان پہنچایا۔‘لیویز رسالدار کے مطابق ’حملہ آور جاتے ہوئے سات مزدوروں کو اغوا کرکے اپنے ساتھ لے گئے۔ مغویوں میں قریبی علاقوں کے چھ رہائشی جبکہ ایک غیر مقامی شخص شامل ہے۔‘سنی شوران ضلعی ہیڈکوارٹر ڈھاڈر سے تقریباً 80 کلومیٹر دُور ہے اور سابق وفاقی وزیر سردار یار محمد رند کا آبائی علاقہ ہے۔
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More