گزشتہ ہفتے کے دوران ملک میں سیمنٹ کی ریٹیل قیمت میں کمی کارحجان برقراررہا۔
ادارہ شماریات پاکستان کے اعدادوشمارکے مطابق 6مارچ کوختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1321روپے ریکارڈ کی گئی جوپیوستہ ہفتے کے مقابلے میں 0.63فیصدکم ہے،پیوستہ ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1329روپے ریکارڈ کی گئی تھی۔
چینی کی قیمتوں کو مستحکم رکھنے کیلئے شکر درآمد کرنے کا فیصلہ
اسی طرح 6مارچ کوختم ہونیوالے ہفتے میں ملک کے جنوبی شہروں میں سیمنٹ کی فی بوری کی اوسط ریٹیل قیمت1381روپے ریکارڈکی گئی جوپیوستہ ہفتہ کے مقابلہ میں 0.05فیصدکم ہے،پیوستہ ہفتہ میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1382روپے ریکارڈکی گئی تھی۔
چیمپئنز ٹرافی فائنل میں پی سی بی حکام کی غیر موجودگی،آئی سی سی کی وضاحت آگئی
اعدادوشمارکے مطابق گزشتہ ہفتے کے دوران اسلام آباد میں سیمنٹ کی فی بوری کی اوسط ریٹیل قیمت1279روپے، راولپنڈی 1289روپے،گوجرانوالہ 1330روپے،سیالکوٹ 1320روپے، لاہور1350روپے، فیصل آباد1370روپے، سرگودھا1340روپے،ملتان 1311روپے،بہاولپور1366روپے، پشاور1322روپے اوربنوں میں سیمنٹ کی فی بوری کی اوسط ریٹیل قیمت 1250روپے ریکارڈ کی گئی۔
کرپشن کی شکایات،پلاننگ اینڈ ڈیویلپمنٹ بورڈ کے اسسٹنٹ چیف انڈسٹریز گرفتار
اسی طرح کراچی میں گزشتہ ہفتے کے دوران سیمنٹ کی فی بوری کی اوسط ریٹیل قیمت1321روپے، حیدرآباد 1340 روپے،سکھر1450روپے،لاڑکانہ 1400روپے، کوئٹہ 1440روپے اورخضدارمیں سیمنٹ کی فی بوری کی اوسط ریٹیل قیمت 1337روپے ریکارڈکی گئی۔