ساجد حسن کے بیٹے کو مصطفیٰ عامر قتل کیس میں کیوں گرفتار کیا گیا؟ ملزم نے خود سچائی اگل دی

مصطفیٰ عامر قتل کیس میں بڑی پیشرفت سامنے آئی ہے۔ سی آئی اے پولیس نے معروف اداکار ساجد حسن کے بیٹے، ساحر حسن کو گرفتار کر لیا ہے، جس کے قبضے سے 50 لاکھ روپے مالیت کی منشیات برآمد ہوئی ہیں۔

تفتیش کے دوران، ساحر حسن نے اعتراف کیا کہ وہ گزشتہ دو سالوں سے منشیات فروخت کر رہا تھا اور اس نے یہ بھی انکشاف کیا کہ وہ مصطفیٰ قتل کیس کے ملزم ارمغان کو بھی منشیات فراہم کرتا تھا۔

پولیس کے مطابق، ساحر کے پاس سے غیر ملکی برانڈ کی منشیات ملی ہے اور اس کا تعلق منشیات کی فروخت کے کاروبار سے دو سالوں سے ہے۔

یاد رہے کہ مصطفیٰ کے قتل میں شامل ایک اور ملزم، شیراز، نے حال ہی میں یہ بیان دیا کہ "لڑکی سے ناراضگی نے ارمغان کو پاگل کر دیا تھا"۔

اس گرفتاری نے شوبز، بیوروکریسی اور بزنس کمیونٹی میں ہلچل مچا دی ہے، اور یہ خبر عام ہوئی ہے کہ ایلیٹ کلاس میں "گیٹ ٹو گیدر" کے بہانے منشیات کا استعمال بڑھ چکا ہے۔