Getty Imagesنیوزی لینڈ کی جانب سے وِل ینگ نے 107 اور کپتان ٹام لیتھم نے سینچریاں سکور کیں
چیمپیئنر ٹرافی کے افتتاحی میچ میں پاکستانی بولر ایک مرتبہ پھر نیوزی لینڈ کی جانب سے رنز کے انبار کو روکنے میں ناکام نظر آئے۔
بدھ کو کراچی میں کھیلے گئے میچ میں نیوزی لینڈ کے بلے بازوں نے پاکستانی فاسٹ بولرز کو گروانڈ کے چاروں طرف باؤنڈریاں لگائیں اور گرین شرٹس کو 321 رنز کا ہدف دیا۔
نیوزی لینڈ کی جانب سے وِل ینگ نے 107 اور کپتان ٹام لیتھم نے سینچریاں سکور کیں، جبکہ گلین فلپس نے بھی 39 گیندوں پر 61 رنز کی برق رفتار اننگز کھیلی۔
پاکستان کے تینوں فاسٹ بولرز رنز کے اعتبار سے مہنگے ثابت ہوئے حارث رؤف نے دو وکٹیں حاصل کیں لیکن ساتھ 10 اوورز میں 83 رنز بھی دیے۔
Getty Imagesحارث رؤف نے دو وکٹیں حاصل کیں لیکن ساتھ 10 اوورز میں 83 رنز بھی دیے
ان کے علاوہ نسیم شاہ نے 10 اوورز میں 63 رنز دے کر دو وکٹیں حاصل کیں، جبکہ شاہین شاہ آفریدی نے اپنے 10 اوورز میں 68 رنز دیے۔
سپنر ابرار احمد نے اپنے 10 اوورز میں 47 رنز دے کر ایک کھلاڑی کو آؤٹ کیا۔
پاکستانی بولرز نے آخری 10 اوورز میں 113 رنز دے کر صرف ایک وکٹ حاصل کی۔
پاکستانی سوشل میڈیا پر بھی صارفین اس میچ خصوصاً گرین شرٹس کی بولنگ اور فیلڈنگ پر بات کرتے ہوئے نظر آ رہے ہیں۔
چیمپیئنز ٹرافی: افتتاحی میچ آج کراچی میں، سٹیڈیمز کی تیاری سمیت وہ سوال جن کے جواب آپ جاننا چاہتے ہیں!’ٹائٹل بچانا ہے تو پاکستان کو کھیل اٹھانا ہو گا‘چیمپیئنز ٹرافی: ’پاکستان پیسہ نہ سہی، اُمید تو کمائے گا‘چیمپیئنز ٹرافی کا ’کرٹن ریزر‘: لاہور کے شاہی قلعے میں خصوصی تقریب کے دوران کیا کیا ہوا؟
ایک صارف نے لکھا کہ ’جب آپ 25 سے 40 کے اوورز کے درمیان وکٹیں نہیں لیتے تو ایسا ہی ہوتا ہے، بلے باز آخر کے 10 اوورز میں جارحانہ بیٹنگ کرتے ہیں۔‘
سوشل میڈیا پلیٹ فارم ایکس پر ایک اور صارف نے اختتامی اوورز میں پاکستان کی بولنگ کو تنقید کا نشانہ بنایا اور لکھا کہ ’ایسا لگتا ہے کہ پاکستانی فاسٹ بولنگ اٹیک آخری اوورز کرنے کے لیے بنا ہی نہیں ہے۔‘
صرف یہی نہیں میچ کے دوران سلو اوور ریٹ کے سبب پاکستان کو جُرمانے کا سامنا بھی کرنا پڑا اور آخری دو اوورز میں پانچ کے بجائے صرف چار فیلڈرز کو سرکل سے باہر فیلڈنگ کرنے کی اجازت تھی۔
ساج صادق نامی صارف اس حوالے سے لکھتے ہیں کہ ’کپتان کو اس کی ذمہ داری لینے پڑے گی۔‘
ایک اور صارف نے محمد رضوان اور پاکستانی فیلڈرز پر تنقید کرتے ہوئے لکھا کہ ’کپتان بولرز پر تب بھی چیخ رہے ہیں جب کسی اچھی گیند پر ایج لگ کر چوکا لگ رہا ہے اور فیلڈرز باؤنڈری لائن سے 10 گز کے فاصلے پر کھڑے ہیں اور کیچز کو بھی چھکوں میں بدل رہے ہیں۔‘
چیمپیئنز ٹرافی: افتتاحی میچ آج کراچی میں، سٹیڈیمز کی تیاری سمیت وہ سوال جن کے جواب آپ جاننا چاہتے ہیں!سہ فریقی ٹورنامنٹ کے فائنل میں پاکستان کو نیوزی لینڈ سے شکست: ’پاکستانی ٹیم ایسے ہی چلتی رہی تو کوئی ٹورنامنٹ نہیں جیت سکے گی‘’ٹائٹل بچانا ہے تو پاکستان کو کھیل اٹھانا ہو گا‘مفاہمت کے بجائے پلٹ کر وار کرنے والے سلمان کا ٹائم ’آغا‘’دی گریٹسٹ رائیولری‘: ’سٹنٹ ڈبل کے بجائے، شعیب اختر نے خود آگ والا سین کیا‘ لاہوریوں کی سٹیڈیم وارمنگ پارٹی: ’تجسس تھا کہ دیکھیں ہماری حکومت نے کیا بنایا ہے‘