سونے کی قیمت آسمان چھو گئی۔۔ مہنگا ہونے کے بعد فی تولہ سونے کی نئی قیمت کیا ہوگئی؟

آج ملک بھر میں سونے کی قیمتوں میں ایک اور بڑا اضافہ دیکھنے کو آیا ہے۔ آل پاکستان جیمز اینڈ جیولرز ایسوسی ایشن کے مطابق، سونے کی فی تولہ قیمت میں 1000 روپے کا اضافہ ہوگیا ہے، جس کے بعد فی تولہ سونا 3 لاکھ 4 ہزار 200 روپے کا ہو چکا ہے۔

اس اضافے کے ساتھ ہی 10 گرام سونے کی قیمت میں بھی 857 روپے کا اضافہ ہوا ہے، جس کے بعد اس کی نئی قیمت 2 لاکھ 60 ہزار 802 روپے ہوگئی ہے۔

ایسوسی ایشن کا کہنا ہے کہ عالمی سطح پر بھی سونے کی قیمت میں اضافہ ہوا ہے، جہاں عالمی مارکیٹ میں سونے کا دام 10 ڈالر بڑھ کر 2 ہزار 910 ڈالر فی اونس تک پہنچ گیا ہے۔