بانی پی ٹی آئی عمران خان نے پارٹی سے نکالے گئے رکن قومی اسمبلی شیر افضل مروت کو ملاقات کے لیے بلا لیا۔
شیر افضل مروت کو پارٹی رہنماؤں نے بانی پی ٹی آئی کا پیغام پہنچا دیا ہے ، شیر افضل مروت کا کہنا ہے کہ مجھے ممبر اسمبلی نے بتایا کہ بانی پی ٹی آئی نے مجھے بلایا ہے، ملاقات میں شکوہ کروں گا کہ بغیر سنے مجھے کیوں نکالا؟۔
کچھ لوگ پارٹی پر قبضہ کرنا چاہتے ہیں، کھسر پھسر پر سیٹ کیوں چھوڑوں؟ شیر افضل مروت
دوسری جانب پی ٹی آئی کے پارلیمانی پارٹی ارکان نے شیر افضل مروت کے حق میں بانی کو پیغام بھجوانے کا فیصلہ کر لیا ہے۔
پی ٹی آئی کی پارلیمانی پارٹی اجلاس گزشتہ روز ہوا جس میں چیئرمین پی ٹی آئی بیرسٹر گوہر، زرتاج گل، جنید اکبر اور دیگر ارکان شریک ہوئے۔اس دوران شیر افضل مروت نے کہا کہ بتایا جائے کہ مجھے کیوں نکالا؟۔
بانی پی ٹی آئی نے شیر افضل مروت کے حوالے سے کچھ نہیں کہا، شہریار آفریدی
پارلیمانی پارٹی ارکان نے شیر افضل کو نکالنے کے فیصلے کا دوبارہ جائزہ لینے کا مطالبہ کیا اور سوال اُٹھایا کہ ہم سب کو بتایا جائے مروت کو کیوں نکالا؟ بیرسٹر گوہر نے کہا کہ یہ پارٹی کا اندرونی معاملہ ہے اسے اندرونی سطح پر حل کریں گے۔