اہم نکاتترکیہ کے صدر کے اعزاز میں گارڈ آف آنرپنجاب میں بھکاری مافیا چیفس کے خلاف کارروائیتحریک انصاف کی کور اور سیاسی کمیٹیوں کا مشترکہ اجلاسبارشوں میں کمی کے باعث پنجاب میں پانی کی قلت کا خدشہسندھ میں اب غیر رجسٹرڈ گاڑی سڑک پر نہیں آ سکے گی، وزیر اطلاعاتسندھ کے وزیر اطلاعات شرجیل میمن نے کہا ہے کہ صوبے کی سڑکوں پر اب کوئی غیررجسٹرڈ گاڑی چلانے کی اجازت نہیں دی جائے گی۔جمعرات کو کراچی میں پریس کانفرنس میں ان کا کہنا تھا کہ گاڑیوں کی رجسٹریشن کے قانون پر عمل ہوگا اور اب جو گاڑی رجسٹرڈ نہیں وہ سڑک پر نہیں آ سکے گی۔وزیر اطلاعات نے کہا کہ ’کوئی بھی گاڑی رجسٹریشن کے بغیر شو روم سے باہر نہیں آ سکے گی، جس شوروم سے گاڑی بغیر رجسٹرڈ ہوئے باہر آئی اسے بند کیا جائے گا۔‘شرجیل میمن نے بتایا کہ جتنی بھی ہیوی وہیکل ہیں وہ فوری طور پر حکومت سندھ سے فٹنس سرٹیفیکیٹ لیں گی، پہلے صرف دو موٹر وہیکل انسپکٹر ہوتے تھے اب ان کی تعداد بڑھائی جا رہی ہے۔انہوں نے کہا کہ فٹنس سرٹیفکیٹ والی گاڑیوں کو بار کوڈ جاری کیا جائے گا، گاڑیاں رجسٹرڈ ہونے کے بعد بار کوڈ لینا لازم ہوگا۔ ’ہیوی ٹریفک کی گاڑیوں کوتیس دن کا وقت دیا گیا ہے۔‘پنجاب میں ’بھکاری مافیا چیفس‘ کے خلاف سخت کارروائی کی تجویزصوبہ پنجاب کی حکومت نے بھکاری مافیا چیفس کے خلاف سخت کارروائی کے لیے انسداد گداگری کے قانون میں ترامیم اسمبلی میں پیش کر دی ہیں۔ترجمان محکمہ داخلہ پنجاب کے مطابق نئے قانون کے تحت صوبے میں بھیک منگوانا ناقابل ضمانت جرم قرار دیا گیا ہے۔بیان کے مطابق ’پنجاب اسمبلی کی سپیشل کمیٹی برائے داخلہ سنہ 1958 کے قانون میں اہم ترامیم کا جائزہ لے گی۔‘ترمیم میں تجویز کی سزا کے مطابق ’کسی ایک شخص سے بھیک منگوانے والے سرغنہ کو 3 سال قید اور 3 لاکھ جرمانہ یا دونوں ہوں گے۔ جبکہ ایک سے زائد افراد سے بھیک منگوانے والے کو 3 سے 5 سال قید اور 5 لاکھ تک جرمانہ یا دونوں ہوں گے۔‘مجوزہ ترمیم کے مطابق بچوں سے بھیک منگوانے والے سرغنہ کو 5 سے 7 سال قید اور 7 لاکھ تک جرمانہ ہوگا۔لاہور میں شمسی توانائی سے بجلی کی پیداوار میں ریکارڈ اضافہ
پاکستان میں سرکاری اعداد و شمار کے مطابق صرف لاہور کو بجلی فراہم کرنے والی کمپنی لیسکو سے منسلک صارفین نے جنوری کے مہینے میں 14 کروڑ یونٹس بجلی شمسی توانائی سے پیدا کی جس میں سے پانچ کروڑ یونٹس ایکسپورٹ کر کے ایک ارب 35 کروڑ روپے کا بلوں میں ریلیف حاصل کیا۔
گزشتہ چھ مہینوں میں لاہور اور گرد و نواح میں 500 میگا واٹ بجلی لیسکو کے سسٹم میں شامل کی گئی ہے جس کے بعد مجموعی طور پر لیسکو میں ایک ہزار 188 میگا واٹ بجلی سولر سسٹم سے لی جا رہی ہے۔
لیسکو سے کُل 87 ہزار صارفین نے سولر سسٹم سے بجلی پیدا کرنے کے لائسنس حاصل کر رکھے ہیں۔
گزشتہ موسم سرما میں 700 میگا واٹ بجلی پیدا کی جا رہی تھی۔
ترک صدر اردوغان کو اسلام آباد کے وزیراعظم ہاؤس میں گارڈ آف آنرپاکستان کے دو روزہ دورے پر آئے ترکیہ کے صدر رجب طیب اردوغان کو اسلام آباد کے وزیراعظم ہاؤس پہنچنے پر گارڈ آف آنر پیش کیا گیا جبکہ فضائیہ کے طیاروں نے فلائی پاسٹ کیا۔ترک صدر نے وزیراعظم ہاؤس کے احاطے میں پودا لگایا۔وزیراعظم شہباز شریف نے کابینہ کے ارکان سے ترک صدر کا تعارف کرایا۔ترک صدر اور وزیراعظم پاکستان کے درمیان دو طرفہ ملاقات کے بعد دونوں رہنما اعلیٰ سطحی تزویراتی تعاون کونسل کے اجلاس میں اپنے اپنے وفود کی قیادت کریں گے۔اسلام آباد میں امریکی شہریوں کو سکیورٹی کے لیے ہدایاتپاکستان میں امریکی سفارتخانے کی جانب سے اپنے شہریوں کو سکیورٹی خطرات سے آگاہ کرتے ہوئے ہدایت کی گئی ہے کہ اسلام آباد میں فیصل مسجد کی طرف جانے سے گریز کریں۔ٹریول ایڈوائزری میں کہا گیا ہے کہ کالعدم تنظیم ٹی ٹی پی کی جانب سے فیصل مسجد کے قرب و جوار میں سکیورٹی تھریٹ ہے اس لیے امریکی شہری دور رہیں اور اپڈیٹس کے لیے مقامی ذرائع ابلاغ کی خبروں کو دیکھیں۔یہ ٹریول ایڈوائزری ایک وائرل ویڈیو کے بعد جاری کی گئی جس میں ایک نامعلوم شخص فیصل مسجد کے سامنے ایک کاغذ پکڑے کھڑا ہے جس پر ٹی ٹی پی کا جھنڈا بنا ہوا ہے۔تحریک انصاف کی کور اور سیاسی کمیٹیوں کا مشترکہ اجلاسپاکستان میں اپوزیشن جماعت تحریک انصاف نے کہا ہے کہ اُس کی کور اور سیاسی کمیٹیون کے مشترکہ اجلاس میں الیکشن کمیشن میں تقرریوں پر حکمت عملی مرتب کر لی گئی۔کمیٹیوں نے اپوزیشن لیڈر عمر ایوب کو حکومت سے ازخود مشاورت میں پہل کرنے کی ہدایت کی۔پی ٹی آئی کے چیئرمین بیرسٹر گوہر نے کہا کہ حکومت جان بوجھ کر الیکشن کمیشن میں تقرریوں پر تاخیری حربے استعمال کر رہی ہے۔بارشوں میں کمی کے باعث پنجاب میں پانی کی قلت کا خدشہصوبہ پنجاب کے محکمہ موحولیات نے بارشوں کی کمی کے باعث پانی کی قلت کا خدشہ ظاہر کیا ہے۔ اور صورتحال کے پیش نظر صوبے میں غیرقانونی اور غیرمنظور شدہ کار واش و سروس اسٹیشنوں کی فوری بندش کے احکامات جاری کیے ہیں۔محکمے نے ہدایت کی ہے کہ تمام کار واش سٹیشنوں پر 28 فروری 2025 تک واٹر ری سائیکلنگ سسٹم اور یو چینلز کی تنصیب لازمی ہونی چاہیے اور خلاف ورزی پر 1 لاکھ روپے جرمانہ اور کار واش ایریا سیل کیا جائے گا۔