دو دریا پر کون سے ہوٹل میں آگ لگ گئی؟ خوفناک آتشزدگی ! ویڈیو مناظر

سی ویو دو دریا کے علاقے میں واقع ایک نجی ریسٹورنٹ میں اچانک آگ بھڑک اُٹھی، جو چند لمحوں میں شدت اختیار کرتے ہوئے دور سے نظر آنے لگے۔

سوشل میڈیا اطلاعات کے مطابق، الحبیب ریسٹورنٹ میں اچانک آگ لگ گئی جو تیزی سے پھیل کر بے قابو ہو گئی، تاہم ابھی تک ریسٹورنٹ کے نام کی حتمی تصدیق نہیں ہوسکی ہے۔ جیسے ہی ریسکیو 1122 کو اطلاع ملی، ان کا عملہ فائر ٹینڈر اور ایمبولینس کے ہمراہ فوراً موقع پر پہنچا اور آگ پر قابو پانے کی کوششیں شروع کر دیں۔

ریسکیو 1122 کے ترجمان نے بتایا کہ عملے نے ایک گھنٹے کی محنت کے بعد آگ پر قابو پالیا، تاہم کولنگ کا عمل ابھی بھی جاری ہے۔ ریسٹورنٹ کا بیشتر حصہ بانسوں سے بنا ہوا تھا اور سمندری ہوا کی وجہ سے آگ تیزی سے پھیل گئی جس کے نتیجے میں ریسٹورنٹ مکمل طور پر جل کر راکھ ہوگیا۔

خوش قسمتی سے اس واقعے میں کوئی جانی نقصان نہیں ہوا کیونکہ ریسٹورنٹ خالی تھا۔ ابھی تک آگ لگنے کی وجہ کا تعین نہیں کیا جا سکا ہے۔ جیسے ہی یہ خبر ملی، ساحلی پولیس فوراً موقع پر پہنچ کر واقعے کی تفصیلات جمع کرنے میں مصروف ہو گئی۔