نائب وزیراعظم و وزیر خارجہ اسحٰق ڈار اور ایرانی ہم منصب عباس عراقچی کے درمیان ٹیلیفونک رابطہ ہوا ہے۔
دفتر خارجہ کے ترجمان کے مطابق دونوں وزرائے خارجہ نے مشرق وسطیٰ کی صورتحال اور غزہ میں فلسطینیوں کی مسلسل حالت زار پر تبادلہ خیال کیا۔
پاک چین دوستی علاقائی، عالمی امن واستحکام کیلئے ضروری ہے، نائب وزیراعظم اسحق ڈار
اسحٰق ڈار نے غزہ کے لوگوں کو بے گھر کرنیکی تجویز کو پریشان کن و غیر منصفانہ قرار دیتے ہوئے زور دیا کہ سلامتی کونسل قراردادوں کے مطابق دو ریاستی حل ہی واحد قابل عمل اور منصفانہ آپشن ہے، پاکستان خودمختار فلسطینی ریاست کے قیام کی حمایت جاری رکھے گا۔
وزیر خارجہ نے اس معاملے پر غور و خوض کیلئے او آئی سی وزرائے خارجہ کا غیر معمولی اجلاس بلانے کیلئے پاکستان کی حمایت سے بھی آگاہ کیا۔ فریقین نے اس معاملے پر رابطہ برقرار رکھنے پر اتفاق کیا۔