انسداد دہشت گردی عدالت نے 26 نومبر سے متعلق مقدمات میں بشریٰ بی بی کی بانی پی ٹی آئی اور وکیل سے ملاقات کرانے کا حکم دے دیا۔
بشریٰ بی بی کو راولپنڈی میں درج مقدمات میں شامل تفتیش کرنے کے لئے پولیس ٹیمیں جیل پہنچیں اور حالیہ احتجاج کے 10 مقدمات میں انہیں باضابطہ طور پر شامل تفتیش کر لیا گیا۔ بشریٰ بی بی نے ابتدائی تفتیش میں بیان دینے سے انکار کر دیا۔
اڈیالہ جیل میں بشری بی بی کے 26 نومبر کے بعد درج ہونے والے 31 مقدمات کی سماعت انسداد دہشتگردی عدالت راولپنڈی کے جج امجد علی شاہ نے کی۔ بشریٰ بی بی کو کمرہ عدالت میں پیش کیا گیا، 31 مقدمات کے تفتیشی افسران بھی پیش ہوئے۔
شمالی وزیرستان میں سکیورٹی فورسز کے آپریشن کے دوران دہشت گردی میں ملوث افغان شہری ہلاک
بانی پی ٹی آئی کی اہلیہ نے عدالت میں کہا کہ شامل تفتیش ہونے سے قبل بانی پی ٹیآئی اور اپنے وکیل سلمان صفدر سے مشاورت کرنی ہے جس کے بعد اپنا بیان ریکارڈ کروانے کے لیے تیار ہوں، اگر آج ملاقات کروا دی جائے تو آج ہی شامل تفتیش ہونے کو تیار ہوں۔
انہوں نے عدالت سے بانی پی ٹی آئی کی موجودگی میں شامل تفتیش ہونے کی بھی درخواست کی جس پر عدالت نے بشریٰ بی بی کی بانی پی ٹی آئی اور ان کے وکیل سے ملاقات کروانے کا حکم دیا اور سماعت 7 مارچ تک ملتوی کردی۔