اسرائیلی جارحیت کے دوران گھروں سے بے دخل فلسطینیوں کی واپسی شروع، شمالی غزہ میں 3 لاکھ فلسطینی واپس آ گئے ہیں۔
عرب میڈیا کے مطابق حماس حکومت کا کہنا ہے کہ چیک پوائنٹ کھلنے کے دوگھنٹے کے اندر2 لاکھ افراد واپس آئے، ساڑھے6 لاکھ کے قریب فلسطینیوں کی واپسی متوقع ہے۔
جنگ بندی کے باوجود مقبوضہ کنارے اسرائیلی جارحیت، 2 فلسطینی شہید
حکومتی اندازوں کے مطابق غزہ شہر اور شمالی حصے میں ایک لاکھ 45 ہزار ٹینٹ ان لوگوں کیلئے ضرورت ہیں جو اپنے علاقوں میں لوٹ رہے ہیں کیونکہ ان کے گھر تباہ ہو چکے ہیں۔
15 ماہ کی اسرائیلی جارحیت میں غزہ سے 19 لاکھ فلسطینی بے دخل ہوئے، بے دخل فلسطینی غزہ کی مجموعی آبادی کا 90 فیصد بنتا ہے۔
1948 میں فلسطینیوں کو بڑے پیمانے پرعلاقوں سے بے دخل کیا گیا تھا، پہلی مرتبہ ہے کہ بے دخل فلسطینی اپنے علاقوں کو واپس لوٹے ہیں۔