انڈیا: مہا کمبھ کے میلے میں جانے کے لیے تین گھروں کو لوٹنے والا شخص ’اشنان‘ سے پہلے گرفتار

انڈیا کے دارالحکومت نئی دہلی میں مہا کمبھ کے میلے پر جانے اور  کے لیے تین گھروں کو لوٹنے والا شخص گرفتار کر لیا گیا ہے۔ہندوستان ٹائمز کے مطابق تین گھروں میں مبینہ طور پر چوری کرنے والا شخص اترپردیش کے شہر پریاگراج میں جاری مہا کمبھ کے میلے میں شرکت کرنے کے لیے جانا چاہتا تھا۔اروند عرف بھولا نامی ملزم نے 17 جنوری کو دہلی کے علاقے دابری کے گھروں سے مہنگی چیزیں اور زیورات چوری کیے۔رپورٹ کے مطابق دہلی پولیس کا کہنا ہے کہ اروند اور اُس کے دوست 45 دنوں تک جاری رہنے والے مہا کمبھ کے میلے میں شرکت کرنا چاہتے تھے۔ملزم نے پولیس کو بتایا کہ اس کے سات بہن بھائی ہیں جبکہ اس کے والد مزدوری کرتے ہیں اور والدہ گھروں میں کام کرتی ہیں جس کی وجہ سے وہ مہا کمبھ پر جانے کے اخراجات برداشت نہیں کر پا رہا تھا۔اروند کے خلاف چوری اور ڈکیتی کے 16 کیس پہلے ہی سے رجسٹر ہیں۔انہیں پہلی مرتبہ 2020 میں گرفتار کیا گیا تھا جبکہ وہ چوری کے ساتھ ساتھ نشے کی لت میں بھی مبتلا ہے۔خیال رہے کہ مہا کمبھ کا آغاز 13 جنوری سے ہوا جو کے 26 فروری تک جاری رہے گا۔