کیلیفیورنیا کے شہر لاس اینجلس کے شمالی جنگلات میں بھی آگ نےعلاقے کو اپنی لپیٹ میں لے لیا۔
امریکی میڈیا کے مطابق لاس اینجلس میں ہوا کے باعث پھیلاؤ میں تیزی،2 گھنٹے میں 5 ہزارایکڑ رقبہ لپیٹ میں آ گیا، آگ کے باعث 19 ہزارافراد کو انخلا کا حکم دیا گیا ہے۔
لاس اینجلس میں آگ سے ہلاکتوں کی تعداد 25 ہو گئی ، لاکھوں افراد کا انخلاء
میڈیا کا کہنا ہے کہ لاس اینجلس کاؤنٹی فائر ڈپارٹمنٹ اور نیشنل فارسٹ کا عملہ، ہیلی کاپٹرزاور چھوٹے طیارے بھی آگ بجھانے کی کوششوں میں حصہ لے رہے ہیں۔
خیال رہے کہ 7 جنوری سے لاس اینجلس میں مختلف مقامات پر لگی آگ پر قابو پانے کی کوششیں اب بھی جاری ہیں، آگ نے تقریباً 45 ہزار ایکڑ رقبے کو خاکستر کر دیا اور29 افراد کی جان لے لی ہے۔