کراچی، سندھ کابینہ نے 8 ہزار الیکٹرک بسوں کی منظوری دے دی۔
وزیراعلیٰ مراد علی شاہ کی زیر صدارت سندھ کابینہ کا اجلاس ہوا جس میں وزیراعلی سندھ کو بریفنگ میں بتایا گیا کہ این آر ٹی سی کی تجویز ہے کہ رینٹ ٹو اون ماڈل پر بسیں چلائیں، 8 ہزارالیکٹرک بسیں 3 مرحلوں میں چلانا چاہتے ہیں۔
ملک میں گاڑیوں کی فروخت میں 28فیصد اضافہ ریکارڈ
کابینہ اجلاس میں ظہیرعابد میمن کی بطور کول اتھارٹی کا ڈائریکٹر ایڈمن اینڈ فنانس تقرری اور تھر کول فیلڈ اسلام کوٹ سے چھور تک ریلوے لائن بچھانے کی بھی منظوری دی گئی۔
وزیراعلی کو بریفنگ میں بتایا گیا کہ بن قاسم سے پورٹ قاسم تک بھی 9 کلومیٹر ریلوے لائن بچھائی جائے گی، ریلوے لائن سندھ اور وفاقی حکومت کا مشترکہ منصوبہ ہوگا۔
ریلوے لائن بچھانے کے مجموعی اخراجات کا 50 فیصد سندھ اور 50 فیصد پاکستان ریلوے ادا کرے گی۔