حکومت سے پوچھے بغیر عمران خان کو ملک سے باہر جانیکی پیشکش کی گئی ، صاحبزادہ حامد رضا

سنی اتحاد کونسل کے سربراہ صاحبزادہ حامد رضا نے دعویٰ کیا ہے کہ بانی پی ٹی آئی عمران خان کو حکومت سے پوچھے بغیر 3 سال کے لئے ملک سے باہر جانے کی پیشکش کی گئی تھی۔

ایک انٹرویو میں حامد رضا نے کہا کہ خواہش کے باوجود حکومت بانی پی ٹی آئی کو بنی گالہ یا زمان پارک منتقلی کی پیشکش نہیں کر سکی، حکومت چاہتی تھی وہ پیشکش کرے لیکن ان سے پوچھا بھی نہیں گیا، حکومت سے پوچھے بغیر کہیں اور سے پیشکش بھیجی گئی۔

حکومت سے عمران خان کی رہائی ، گھر پر نظر بندی یا منتقلی پر بات نہیں ہوئی ، بیرسٹر گوہر

ان کا کہنا تھا کہ الیکشن کے فوری بعد بانی پی ٹی آئی کو 3 سال کیلئے ملک سے باہر جانے کا کہا گیا تھا ، اس پیشکش کا بھی حکومت کو علم نہیں تھا۔

مذاکرات کے حوالے سے انہوں نے کہا کہ مطالبات لکھ کر دینے کی حکومتی ضد بچگانہ ہے ، ہماری طرف سے کوئی بچگانہ بات نہیں کی جا رہی۔