آذربائیجان ایئرلائنز کا مسافر طیارہ قازقستان میں گر کر تباہ ہوگیا، طیارے میں عملے کے ارکان سمیت 67 افراد سوار تھے، قازق حکام کے مطابق جہاز میں سوار 25 مسافروں کو بچالیا گیا ہے۔
برطانوی نشریاتی ادارے کی رپورٹ کے مطابق قازقستان کی وزارت ہنگامہ حالت کے مطابق ابتدائی اطلاعات کے مطابق فضائی حادثے میں 25 افراد کو محفوظ رہے جن میں سے 22 افراد کو ہسپتال منتقل کیا گیا ہے۔
حکام کے مطابق آذربائیجان ایئر لائنز کا طیارہ اقتاؤ شہر کے قریب حادثے کا شکار ہوا اور طیارہ گرتے ہی اس میں آگ لگائی جس پر بعدازاں قابو پالیا گیا تاہم حادثے کی وجوہات سامنے نہیں آسکیں۔
وزارت مواصلات کا کہنا ہے کہ طیارے میں 62 مسافر اور عملے کے 5 ارکان سوار تھے، رپورٹس کے مطابق رپورٹس کے مطابق آذربائیجان ایئرلائنز کی پرواز J2-8243 آذربائیجان کے دارالحکومت باکو سے روس کے شہر گروزنی جارہی تھی، دھند کے باعث طیارے کا رخ تبدیل کیا گیا تھا۔
خبر رساں ادارے رائٹرز کے مطابق طیارے میں سوار 27 افراد کو بچالیا گیا ہے، حادثے کی غیر مصدقہ ویڈیو میں آذربائیجان ایئرلائنز کے ذریعے چلائے جانے والے طیارے میں زمین سے ٹکراتے ہی آگ بھڑک اٹھی اور اس کے بعد کالا دھواں اٹھنے لگا۔