ایک ماہ کیلئے بجلی کی قیمتوں میں کمی کا امکان ہے، سی پی پی اے نے بجلی کی قیمتوں میں 63 پیسے فی یونٹ کمی کی درخواست نیپرا میں جمع کرا دی۔
سینٹرل پاور پرچیزنگ ایجنسی کی جانب سے درخواست ماہانہ فیول پرائس ایڈجسٹمنٹ کے تحت نومبر کے لئے جمع کرائی گئی ہے۔نیپرا بجلی کی فی یونٹ قیمت میں کمی سے متعلق 31 دسمبر کو سماعت کرے گا۔
مرغی کا گوشت 417 روپے کلو ہو گیا
واضح رہے کہ اس سے قبل نیپرا ماہانہ ایڈجسٹمنٹ کی مد میں مسلسل چار بار بجلی کی قیمت میں کمی کر چکا ہے، سی پی پی اے کی درخواست کے مطابق بجلی کی پیداواری لاگت 55 ارب 76 کروڑ روپے رہی۔
گزشتہ ماہ بجلی کی اوسط پیداواری لاگت 7 روپے 28 پیسے فی یونٹ رہی، ایل این جی سے 23 روپے20 پیسے فی یونٹ بجلی پیدا کی گئی،درخواست کے مطابق ایران سے 27 روپے15 پیسے فی یونٹ میں بجلی درآمد کی گئی۔
کوئلہ سے بجلی کی پیداواری لاگت 14 روپے 92 پیسے رہی جبکہ نیوکلیئر ذرائع سے ایک روپے 73 پیسے فی یونٹ بجلی پیدا کی گئی۔