یورپی ملک فرانس میں صدی کے بدترین سمندری طوفان نے تباہی مچادی۔
غیر ملکی میڈیا کے مطابق، فرانس کے جزیرے مایوٹے میں آنے والے سمندری طوفان "چیڈو" کی تباہ کاریوں اور مختلف حادثات میں 11 افراد جاں بحق ہوچکے ہیں۔
اسکے علاوہ مقامی حکام نے طوفان سے ہزاروں اموات کا خدشہ بھی ظاہر کیا ہے۔
فرانسیسی وزارت داخلہ کا کہنا ہے کہ فی الوقت اموات کا تعین نہیں کیا جاسکتا۔
رپورٹ کے مطابق، 220 کلومیٹر کی رفتار سے چلنے والی ہواؤں سے درخت جڑوں سے اُکھڑ گئے، گھروں کی چھتیں اُڑ گئیں، سرکاری عمارتوں، اسپتال، سیکڑوں کچے مکانات اور درجنوں گاڑیوں کو نقصان پہنچا ہے۔
غیر ملکی محمکمہ موسمیات نے بتایا ہے کہ طوفان کا رخ اب زمبابوے اور ملاوی کی جانب مڑ گیا ہے، جس کی وجہ سے موزمبیق کے ساحلی شہر کی سڑکیں زیر آب آگئی ہیں۔