پاکستان ٹیسٹ ٹیم کے ہیڈ کوچ جیسن گلیسپی پاکستان کرکٹ بورڈ (پی سی بی) سے ناراض ہوگئے اور انہوں نے جنوبی افریقا جانے سے انکار کر دیا۔
پاکستان ان دنوں جنوبی افریقا کے دورے پر ہے جہاں دونوں ملکوں کے درمیان ابھی ٹی ٹوئنٹی سیریز جاری ہے۔ جس کے بعد 3 میچز کی ون ڈے سیریز اور پھر 2 ٹیسٹ میچزکی سیریز بھی ہوگی۔
ذرائع کا کہنا ہے کہ ہیڈ کوچ جیسن گلیسپی نے جنوبی افریقا جانے سے انکار کیا ہے۔انہوں نے پی سی بی کی جانب سے ریڈ بال ٹیم کے کوچ ٹم نیلسن کے معاہدے میں توسیع نہ ہونے پر نہ جانے کا فیصلہ کیا۔
ذرائع کے مطابق البتہ گلیسپی نے ذاتی وجوہات کی بنا پر جنوبی افریقا نہ جانے کا بورڈ کو بتایا ہے۔
یاد رہے کہ پاکستان کرکٹ بورڈ نے جیسن گلیسپی کو مستقبل میں ذمے داریاں نہ دینے کا فیصلہ کیا تھا۔
ذرائع کے مطابق گیری کرسٹن کی طرح جیسن گلیسپی نے بھی وقت سے پہلے مستعفی ہونے کا فیصلہ کیا۔
اس سے قبل جمعرات کو یہ خبر سامنے آئی تھی کہ پی سی بی نے جنوبی افریقا کے خلاف ٹیسٹ سیریز کے لیے ہائی پرفارمنس ریڈ بال کوچ ٹم نیلسن کے معاہدے میں توسیع نہیں کی ہے۔