فخرزمان ٹیم میں کیوں نہیں ہیں؟ کپتان رضوان کا اہم بیان

پاکستان کرکٹ ٹیم کے کپتان محمد رضوان کا کہنا ہے کہ جنوبی افریقا کے خلاف سیریز ایک نیا چیلنج ہے۔

جنوبی افریقا سے 3 ٹی ٹوئنٹی میچز کی سیریز کے پہلے میچ سے قبل ایک بیان میں کپتان محمد رضوان نے کہا کہ ٹیم نے آسٹریلیا اور زمبابوے میں اچھی پرفارمنس دی ، یہاں بھی بہترین نتائج کےلیے پر عزم ہیں ۔

قومی ٹیم کے کپتان نے اوپنر فخر زمان سے متعلق کہا کہ سب جانتے ہیں فخر گیم چینجر ہیں لیکن وہ بیمار ہیں اور امید ہے جلد صحتیاب ہو کر قومی ٹیم میں واپس آئیں گے۔

واضح رہے کہ جنوبی افریقا اور پاکستان کے درمیان پہلا ٹی ٹوئنٹی آج بروز منگل کو رات 9 بجے شروع ہوگا۔

جنوبی افریقا کے دورے میں3 ٹی ٹوئنٹی، 3 ون ڈے انٹرنیشنل اور 2 ٹیسٹ میچز شامل ہیں، سیریز کا آغاز 10 دسمبر کو ڈربن میں پہلے ٹی ٹوئنٹی سے ہوگا۔

ٹی ٹوئنٹی اسکواڈ:

محمد رضوان (کپتان اور وکٹ کیپر )، ابرار احمد، بابر اعظم، حارث رؤف، جہانداد خان، محمد عباس آفریدی، محمد حسنین، محمد عرفان خان، عمیر بن یوسف، صائم ایوب، سلمان علی آغا، شاہین شاہ آفریدی، سفیان مقیم طیب طاہر اور عثمان خان ( وکٹ کیپر)۔