ملک بھر میں بارشوں کی پیش گوئی۔۔ عوام تیاری کرلیں! محمکمہ موسمیات نے خبردار کردیا

آج 8 دسمبر سے ملک بھر میں بارشوں کا سلسلہ شروع ہونے کو ہے۔ محکمہ موسمیات کے مطابق لاہور، اسلام آباد، راولپنڈی، چکوال، اور فیصل آباد سمیت دیگر شہروں میں گرج چمک کے ساتھ بارش کی توقع ہے۔ مری اور گلیات میں برفباری اور بارش کی ہلکی سے درمیانی شدت ممکن ہے جبکہ سوات، مالاکنڈ، اور چترال کے پہاڑ بھی برف سے ڈھک سکتے ہیں۔

ٹھنڈ کی شدت: کہاں کا درجہ حرارت کتنا نیچے گیا؟

گزشتہ روز سب سے زیادہ سردی لہہ میں محسوس کی گئی جہاں پارہ منفی 10 ڈگری تک گر گیا۔ اسکردو نے بھی منفی 9 ڈگری پر ٹھنڈ کا لطف اٹھایا۔ اسلام آباد، لاہور اور فیصل آباد میں بھی درجہ حرارت یک ہندسے میں رہا، جبکہ کراچی کا حال قدرے بہتر رہا، جہاں 14 ڈگری سینٹی گریڈ ریکارڈ ہوا۔

لاہور میں بارش اور سرد ہواؤں کا طوفان

صوبائی دارالحکومت میں بارش کی جھڑی سردی کو مزید بڑھا دے گی۔ ہوا کی رفتار 14 کلومیٹر فی گھنٹہ ریکارڈ کی گئی جبکہ نمی کا تناسب 65 فیصد تک پہنچنے کی پیشگوئی ہے۔ شہر کا کم از کم درجہ حرارت 7 اور زیادہ سے زیادہ 17 ڈگری تک رہنے کا امکان ہے۔

کراچی میں سردی کے جلوے: ہوا میں خنکی، سموگ کی چھٹی

کراچی میں سرد ہواؤں نے پارہ 13 ڈگری تک گرادیا۔ خوشخبری یہ ہے کہ سردی کی وجہ سے فضائی آلودگی میں نمایاں کمی آئی، جس کے بعد لاہور اسموگ کی فہرست میں دوسرے نمبر پر آگیا۔

موسم کا نیا موڈ: ٹھنڈ اور برفباری کے منتظر مقامات

سندھ اور بلوچستان کے اکثر اضلاع میں موسم خشک اور سرد رہے گا، جبکہ کشمیر اور گلگت بلتستان کے پہاڑ سفید چادر اوڑھ سکتے ہیں۔ مالاکنڈ ڈویژن اور دیر کے لوگ بھی برفباری کا نظارہ کر سکیں گے۔