مکمل فٹ ہوں ، موقع ملا تو آئی سی سی چیمپیئن ٹرافی میں ٹیم کو کامیابی دلاؤں گا ، فخر زمان

اسلام آباد ( محمد ظریف ) قومی کرکٹ ٹیم کے مایہ ناز بیٹر فخر زمان نے کہا ہے کہ موقع ملا تو آئی سی سی چیمپیئن ٹرافی میں بہترین کارکردگی پیش کرکے ٹیم کو کامیابی دلاؤں گا۔

پنڈی کرکٹ اسٹیڈیم میں چیمپئنز کپ ٹی ٹونٹی کے دوران ہم نیوز سے خصوصی گفتگو کرتے ہوئے فخر زمان نے کہا کہ چیمپئنز کپ ٹی ٹونٹی ایک بہترین ٹورنامنٹ ہے امید ہے آئندہ میچز میں زیادہ شائقین کرکٹ اسٹیڈیم کا رخ کریں گے اور کرکٹ سے لطف اندوز ہوں گے۔

چیمپئنز ٹرافی، پاکستان کو میزبانی پر 60 لاکھ ڈالرز ملیں گے

ان کا مزید کہنا تھا کہ میں اس وقت مکمل فٹ ہوں اسی لیے چیمپیئنز کپ ٹی ٹونٹی کھیل رہا ہوں میں نے اپنے کیریئر کا آغاز ہی چیمپیئن ٹرافی سے کیا تھا۔

واضح رہے کہ فخر زمان کو چیمپئنز ٹرافی کیلئے نظرانداز کیا گیا ہے ، جبکہ دورہ جنوبی افریقا کیلئے بھی ان کے نام پر غور نہیں کیا گیا ہے۔